خانه / آخرین اخبار / ایران شهریورین بیریندن تورکیه‌یه تور ساتیشلارینا باشلایاجاق

ایران شهریورین بیریندن تورکیه‌یه تور ساتیشلارینا باشلایاجاق

ایرانین، تورکیه‌یه سیاحت یاساغینی قالدیرماسینین آردیندان اؤلکه‌ده‌کی توریزم شیرکتلرینین بیر هفته‌یه تورکیه‌یه تور ساتیشلارینا باشلایاجاغی بیلدیریلدی.

یول‌پرسین آلدیغی بیلگی‌لره گؤره، ایران سیاحت آژانسلارینین درنه‌یی ایداره هئیتی عضوو بهروز سفری، تورکیه‌یه تور ساتیشلارینین گله‌جک هفته یئنی‌دن باشلایاجاغینی ایفاده ائتدی.

قاداغانین قالدیریلماسینین آردیندان بعضی شیرکتلرین تور ساتیشلارینا درحال باشلادیغینی خاطیرلادان سفری، “بو آندا بعضی شیرکتلر ایستانبولا تور ساتیشی ائتسه ده توریزم شیرکتلرینین راضیلاشماسینا گؤره رسمی ساتیشلار ۲۲ آگوست‌دا (۱ شهریور) باشلایاجاق” دئدی.

۱۵ جولای‌دا تورکیه‌ده باش وئرن کودتا سونراسی وطنداشلارینین جان تهلوکه‌سیزلیینی سبب گؤستره‌رک تورکیه‌یه تور ساتیشلارینی قاداغان ائد‌ن ایران، شنبه گونو قاداغانین قالدیریلدیغینی بیلدیرمیشدی.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *