خانه / آخرین اخبار / آذربایجان کولتور، ادب واینجه‌صنعت قورولوشونون اورمیه‌ده بیرینجی شعبه‌سی آچیلدی

آذربایجان کولتور، ادب واینجه‌صنعت قورولوشونون اورمیه‌ده بیرینجی شعبه‌سی آچیلدی

آذربایجان کولتور، ادب واینجه‌صنعت قورولوشونون اورمیه‌ده بیرینجی شعبه‌سی، باتی آذربایجانین بیرنئچه مسئولی، یازیچی‌سی و شاعری‌نین یغینجاغیندا، اورمیه‌نین هیدایت آدلی مکتبینده آچیلدی.

یول‌پرسین آلدیغی بیلگی‌لره گؤره،بو تؤره‌نده، حجت الاسلام محمدباقر کریمی باتی آذربایجانین کولتور وارشادگنل مودورو، بونا ایشاره‌ ائلیه‌رک کی اورمیه‌ بیرینجی تورک شهری‌دیرکی آذربایجان کولتور، ادب واینجه‌صنعت قورولوشونون دفتری آچیلدی ، آذربایجان مفاخیری، اؤزلیک‌له‌ده اورمیه مفاخیرینه دیقت گرکی‌نی ووغولادی.

اوکولتورواینجه صنعت آدی‌نی ایشلتمه‌یین عیللتین آذربایجان ادبیاتی‌نین دَیریندن بیلدی.

اونلارکی باخیش‌لاری سینیرلاردان اشیک‌ده‌دیر، گرک باخیش‌لارین ایصلاح ائتسین‌لر.

عباس خورشیدی، آذربایجان کولتور، ادب واینجه‌صنعت قورولوشونون، مودولوک هئیتی‌نین باشچی‌سی، بوقورولوشون آچیلیشین، جومهورباشفانی‌نین آذربایجان کولتورونه اؤزل باخیشیندان آسیلی بیلدی.

عباس خورشیدی، آذربایجان کولتورون تورک کولتورونه دیقته آلاراق گلیشدیرمک گرکی‌نی ووغولاییب ودئدی:”قورولوش(آذربایجان کولتور، ادب واینجه‌صنعت قورولوشو)بوتون اونلارکی ایرانی بوتون ایرانلی‌لار اوچون بیلیرلر، ائودیر.بوقورولوش بوتون اونلاراوچون‌دورکی بؤلگه‌نین گلیشمه‌سینده اؤلکه‌نین‌ده گلیشمه‌سین نظرده آلاراق فیکیرلشیرلر.”

عباس خورشیدی دانیشیق‌لاری‌نین دوامیندا دئدی: “بیرینجی گوندن ایکی قیشر بیزایله مخالف اولدولار.او قشرلرین بیری‌سی دئییردی قورولوش هئچ ایش گؤره‌بیلمز وبو دؤولتین سئچیم عرفه‌سینده سمبولیک وسیاسی حرکتی‌دیر.ایکینجی قیشرایسه، بوقورولوشون چالیشمالارین، ایرانلی‌لارین بیرلیگین ضعیف‌لندیرمک آنلامیندا بیلیردی‌لر.بوقورولوشون آماجی ایران میللتی‌نین بیرلیگی‌نی گوجلندیرمک‌دیر. هرکس کی باخیشی سینیرلاردان اشیک‌ده‌دیر، گرک باخیشین ایصلاح ائتسین‌.قورولوشون کؤکی آذربایجاندا ایچینده وبوداق‌لاری ایرانین بوتون گؤیونده‌دیر.”‌

اینقیلابین بیرینجی دؤنم‌لرینده قرارایدی بوتون میللت‌لره فئدرال‌لیق وئریلسین

قربانعلی سعادت،باتی آذربایجان اوستانداری، جومهورباشقانین سئچیم زامانی وئردیگی وعده‌لر، اوجومله‌دن تورک دیلی فرهنگیستانی‌نین قورولماماسی وآنایاسانین۱۵اینجی اصلین کامیل ایجرا اولماماسی‌نا، توخونمادان، روحانی دؤولتی‌نین میللت‌لرایله باغلی وئردیگی وعده‌لردن دفاع ائدیب ودئدی:”اوتوزیئتدی ایلدن سونرا، روحانی دؤولتی ایش اوستونه گلیب ومیللت‌لر الیه‌بیلیب‌لرقوروم دوزلتسین‌لرو اؤز درین کولتورلرین هرکسه تانیتدیرسین‌لار.

باتی آذربایجانین اوستانداری،بعضی میللت‌لرایله باغلی اولان سیاست‌لرین گئج اولماسینا کی اصلینده، ایسلام اینقیلابی‌نین دوشونجه‌لریندن‌ایدی دئدی:”آیت الله طالقانی اینقیلابین بیرینجی دؤنملرینده دئدی‌لر قرارایدی بوتون میللت‌لره فذرال‌لیق وئریلسین، تاهرکس اؤزبؤلگه‌سین ایداره ائتسین آما سنندجه گئتدیگیم زامان، دوشوندوم بیزیم ایختیلاف‌لاریمیز، مملکت ایچینده اولان ایختیلاف دئییل، بلکه ائشیک‌دن هیدایت اولونور.اینقیلابین بیرینجی دؤنم‌لرینده، سییلاح چکمک‌لر، پادگان‌لاری اشغال ائتمک‌لر، اودوشمنلرین ایش‌ایدی کی الیه‌بیلمه‌دیلر ایسلام دؤولتی‌نه وحؤکومتی‌نه دؤزسون‌لر.”

سووت بیرلیگی داغیلدیقدان سونرا، میللت‌لرابله باغلی چوخلوایشلر گؤره‌بیلردیک

سعادت آرتیردی:”او دورومدان سونرادا،سکگیزایللک ساواش باشلاندی وبیزالیه‌بیلمه‌دیک میللت‌لرین ایستک‌لرینه یئتیشک. سووت بیرلیگی داغیلدیقدان سونرادا،چوخلوایشلر گؤره‌بیلردیک آما بیرپارا شبهه‌لریاراندی وبعضی‌لر اینانیردیلار کی ایمکانی واراؤلکه بولونمه‌یه دوغرو گئتسین.”

باتی آذربایجان اوستانداری، قورولوشون سیاسی جهت توتماماسی‌ایله باغلی دئدی:”بو تورکلردیلرکی فارس ادبیاتی‌نا رونق وئریب‌لر و همین تورکلر اؤزدیل‌لرین وادبیات‌لارین چوخ یوکسک درجه‌ده گلیشتیره‌بیلرلر.بو قورولوش گرک دیققت ائتسین کی بوراسی بیرسیاسی یئردییل وگرک هرکس هرنوع دوشونجه‌ایله، بوقورولوشا قوشولابیلسین.”

اوباتی‌آذربایجانین استراتژیک دیری‌نه ایشاره ائدیب و بو بؤلگه‌نین اؤلکه‌ده، اراضی بوتؤولگونو قوروماسی‌ایله باغلی دئدی: “بومیللت کی هرزامان اؤلکه‌دن دیفاع ائدیب، کولتور ساحه‌سینده‌ده اؤزیولونا دوام وئره‌جک.”

یک دیدگاه

  1. بتر سؤزلر دئییب اوستاندار! اینشاء الله کی بو قورولوش ایلک آددیم اولا آنا دیلینده درس اوخوماقا.




    0



    0

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *