خانه / آخرین اخبار / تورک بؤلگه‌لری‌نین فراکسیونی ۱۰۰ میللت وکیلی‌نین قاتیلماسی‌لا قورولدو

تورک بؤلگه‌لری‌نین فراکسیونی ۱۰۰ میللت وکیلی‌نین قاتیلماسی‌لا قورولدو

تورک بؤلگه‌لری‌ فراکسیونونون، سؤزچوسو، بو فراکسیونون 100 میلت وکیلی‌نین قاتیلماسی‌ایله قورولماسیندان ،فراکسیون باشچیلیق هئیتی‌نین تعیین‌له‌شدیریلمه‌سیندن و مسعود پزشکیانین بو هئیتین باشچیلیق سیمتی‌نه سئچیلمه‌سیندن خبر وئردی.

اولین جلسه فراکسیون نمایندگان ترک مجلس

یول‌پرسین آلدیغی بیلگی‌لره گؤره، تورک فراکسیونونون سؤزچوسو، زهرا ساعی ایسنا خبر آژانسی‌ایله دانیشیقدا، دئدی: “تورک بؤلگه‌لری‌نین، فراکسیونی بو گون ۱۰۰ میلت وکیلی‌نین قاتیلماسی‌ایله قورولدو کی ۲۵نفری مرکزی شورا اویه‌سی‌دیر. بو اوتورومدا باشچیلیق هئیتی‌نی تعیین‌له‌شدیرمک اوچون‌ ده سئچیم قورولدو کی بو سئچیمین سونوجوندا، مسعود پزشکیان بو هئیتین باشچیلیقی‌نا سئچیلدی”
اونون سؤزلرینه گؤره، اورمیه میللت وکیلی، نادر قاضی‌پور، اردبیل میللت وکیلی، رضا کریمی، ناییب رئیس‌لیک ، مرندایله جلفا میللت وکیلی، محمد حسن نژاد و تبریز میللت وکیلی شهاب‌الدین بی‌مقدار کاتیب‌لیک و تبریزین باشقا میللت وکیلی، زهرا ساعی سؤزچولوک سیمت‌لرینه سئچیلد‌لر.
تورک فراکسیونونون سؤزچوسو، زهرا ساعی، دانیشیق‌لاری‌نین دوامیندا، اؤلکه‌ده تورک بؤلگه‌لری‌نین گئنیش‌لیگی‌نه ایشاره ائدیب و بو فراکسیونون آماجین تورک میللت وکیل‌لری‌نین تورک بؤلگه‌لرینده اولان مشکل‌لری حل ائتمک بیلدی.
او آرتیردی: “بونو نظرده آلاراق کی بو فراکسیوندا عضو اولان بیر چوخ میللت وکیل‌لری‌، ده‌ییشیک کمسیون‌لاردا دا عضودولر، اونون دالیجاییق کی مخلف ساحه‌لرده اولان مشکل‌لری، فراکسیون اویه‌لری طرفیندن مطرح ائد‌ه‌ک.”
ساعی سوندا وورغولادی کی بو فراکسیون اؤلکه منفعت‌لرینی قوروماقدان علاوه، میللی بیرلیگی گلیش‌دیرمک و گوجلندیرمک، اؤلکه‌ده متوازن گلیشمک و بو یولدا حرک ائتمک دالیجادیر.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *