عناوین مطالب:
خانه / آخرین اخبار / تورکیه‌یه گاز صادر ائتمک یئنی‌دن باشلانیب‌دیر

تورکیه‌یه گاز صادر ائتمک یئنی‌دن باشلانیب‌دیر

اؤلکه‌میزین گاز صادر ائتمه‌سی کی پنجشنبه گونو آبان آیی‌نین6سیندا، ساعات21:31 ده، بازرگان سینیریندا، تورکیه توپراغیندا باش وئرن بمب پارتلاییشی اوچون دایاندیریلمیشدی، دوشنبه گونو یئنی‌دن باشلاندی.

یول‌پرسین آلدیغی بیلگی‌لره گؤره، ایرانین میللی گاز شیرکتی، بیلدیریب کی، گازین ایلک حجمی ۲۷ میلیون متر مکعب اولاراق گؤندریلمک‌ده‌دیر کی بورو(لوله)لارین فیشارلاری تنظیم اولسون و تخمین ائدیلیر گؤندریله‌ن گازلارین حجمی، گله‌جک ساعات‌لاردا چوخالیب و تورکیه‌ایله باغلانیلان آنلاما میقداری‌نا یئتیرسین.

هابئله گاز فیشارینی گؤجله‌ندیرمک تاسیساتیندا یئنی بیر واحیدین ایشه باشلاماسی، ایرانین قوزئی باتی‌ بؤلگه‌لرینده، گاز گؤندرمک گوجونو داهادا چوخالدیب‌دیر.

بو ایلین اولیندن ایندیه قدر ایرانین تورکیه‌یه گاز صادری، یوزده۸٫۸ چوخالیب‌دیر و ایندیه قدر ایرانین ۶۵۰ میلیون مترمکعب طبیعی گازی، تورکیه‌یه صادر اولوب‌دور.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *