خانه / آخرین اخبار / “تورک بؤلگه‌لری فراکسیونو، آذربایجان و تورک‌لرین قازانجی‌نا اولاجاق‌دیر”
اورمیه فرمانداری:

“تورک بؤلگه‌لری فراکسیونو، آذربایجان و تورک‌لرین قازانجی‌نا اولاجاق‌دیر”

اورمیه فرمانداری دئدی: " پارلمانداکی تورک بؤلگه‌لری فراکسیونو، چوخ جامع و کامیل بیر فراکسیون‌دور و بوتون سیاسی و دوشونجه مکتب‌لریندن، اوندا واردیر"

یول‌پرسین آلدیغی بیلگی‌لره گؤره، اورمیه فرمانداری، “عباس حسن‌خانی” ایسناایله دانیشیق‌دا دئدی: ” اؤلکه‌نین ایسلامی پارلیمانیندا تورک فراکسیونونون قورولماسینی، یاخشی علامت اولاراق نظرده آلیریق و اومید ائدیریک، تدبیر و دوشونجه‌ایله، آذربایجان و تورک ایستک‌لری‌نین بیر چوخونو گرچک‌لشدیرسین.”

او بونا ایشاره ائلیه‌رک کی علاقه‌دار میللت وکیل‌لری‌نین چوخو بو فراکسیون‌دا عضو اولوب‌دور، دئدی: ” بو فراکسیون حاققیندا اولونان صؤحبت‌لر و هم‌فیکیرلیک‌لر، قانون‌لارین تصویب اولماسی اوچون‌دور و جمعی دوشونجه، تصمیم توتمالارا سبب اولور و تصمیم‌لرده، یاسالار قالیبینده، ایبلاغ اولونور و هر حالدا، بو فراکسیون، یاخشیلیق و برکت مئیوه‌سی‌دیر و آذربایجان‌ایله تورک خالقی‌نین قازانجی‌نادیر. ”
او بو فراکسیون عضو اولان میللت وکیل‌لری‌نی بعضی ملاحیضه‌لری نظرده آلاجاق‌لارینی ووغولاییب و دئدی: “عضو اولان میللت وکیل‌لری گرک بعضی میللی منفعت‌لر نظرده آلسین‌لار، چون بیرینجی نوبه‌ ده بوتون ایران خالقی‌نین وکیلی‌دیرلر و گرک بو ملاحیضه‌لری قرار وئرمه‌لرینده نظرده آلسین‌لار.”

او سوندا خاطیرلاتدی: ” البته کی بیر سیرا یئرل(محلی) تعلوقه‌لر واردیر کی مومکون‌دور بو قالیب‌ده مطرح اولونوب و میلتین قازانجی‌نا اولسون.”

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *