خانه / آخرین اخبار / استقلال و پرسپولیس، تیراختورایله، شامپیونلوق اوچون میلی‌مترلیک رقابت ائدیرلر

استقلال و پرسپولیس، تیراختورایله، شامپیونلوق اوچون میلی‌مترلیک رقابت ائدیرلر

دوغو آذربایجان فوتبال هئیتی‌نین رئیسی: " استقلال و پرسپولیس تاخیملاری دا شامپیونلوق اوچون ساواشیرلار و تیراختورایله میلی‌مترلیک رقابت‌لری واردیر"

یول‌پرسین آلدیغی بیلگی‌لره گؤره، جواد ششگلانی، تیراختورایله اؤلکه‌نین بیر بیمه شیرکتی‌ایله آنلاشاما ایمضالاماق تؤره‌نینده دئدی: ” مصطفی آجرلونون تیراختور باشگاهیندا اساس پلانی، بوایدی کی تاخیمی ایتفیخارایله، شامپیون ائتسین. تیراختورون جدول‌ده بیرینجی و یا ایکینجی رده‌ده اولماسی دا بونو گؤسته‌ریر کی، ایندیه قدر ائلیه‌بیلیب اؤز آماجینا چاتسین.”

او آرتیردی: ” تیراختورون ایشی بوندان سونرا، داهادا چتین‌لَشه‌جَک‌، چون استقلال و پرسپولیس تاخیملاری دا شامپیونلوق اوچون ساواشیرلار و تیراختورایله میلی‌مترلیک رقابت‌لری واردیر.”

دوغو آذربایجانین فوتبال هئیتی‌نین رئیسی، خاطیرلاتدی: ” تیراختورون اوغور قازانماسی، فوتبال هئیتی‌نین اوغور قازانماسی‌دیر. بیزیم فوتبال هئیتینده اساس آماجیمیز آذربایجانین ۳تاخیمی‌نین دا لیگ‌ده اوغور قازانماسی‌دیر و چالیشیریق بو تاخیم‌لار اؤز آماج‌لارینا یئتیرسین‌لر.”

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *