خانه / آخرین اخبار / “اورمیه گؤلونو دیریلتمه سیتادی آذربایجانین اؤلومو اوچون چالیشیر”
اورمیه میللت وکیلی نادر قاضی‌پور:

“اورمیه گؤلونو دیریلتمه سیتادی آذربایجانین اؤلومو اوچون چالیشیر”

اورمیه‌نین شورای اسلامی پارلمانینداکی میللت وکیلی دئدی: " دؤولتین اورمیه گؤلونو دیریلتمه سیتادینداکی مصوبه‌لری بو میللی پارکا حیاتین قایتاریلماسیندا، ائله بیر قازانجی یوخدور بلکه بو سیتادین مصوبه‌لری باتی آذربایجانین اکینچی‌لیگین فلج ائتمک اوچون‌دور."

یول‌پرسین آلدیغی بیلگی‌لره گؤره، نادر قاضی‌پور اورمیه گؤلونو دیریلتمه سیتادی‌نین عملکردیندن اینتیقاد ائده‌رک، بو سیتادین واسیطه‌سی‌ایله سدلرین تعطیل اولمالارینا و اکینچی‌لیگین فلج اولماسینا ایشاره ائدیب و دئدی: ” اورمیه گؤلونو دیریلتمه‌ سیتادی‌نین فلج ائدن مصوبه‌لری‌نین سایه‌سینده باراندوز و نازلو سدلری تعطیل اولوب‌لار و سون واخت‌لار دستور وئیب‌لر، قارا بخت‌لی اکینچی‌نین ۳مین قویوسونو دولدورسون‌لار و اکینچی‌لری فلج ائتسین‌لر.”

قاضی‌پور اورمیه‌نین صنعتی قصبه‌سی‌نین آرتیق سولاری‌نین، اورمیه گؤلونه آخماسی‌ایله باغلی دئدی: ” اورمیه گؤلونو دیریلتمه‌ک سیتادی کی قویولارین دولدورولماق امرینی وئره‌بیلر، نه‌دن صنعتی قصبه‌نین آرتیق سولاری‌نین اورمیه گؤلونه آخماسی‌نین قارشی‌سین آلمیر کی ایندی مستقیم گؤله تؤکولور؟ نه‌دن تصفیه اولونمامیش فاضلاب‌لارین اورمیه گؤلونه آخینماسی‌نین قارشی‌سینی آلمیر؟”

قاضی‌پور اورمیه گؤلونو دیریلتمه‌ک سیتادی‌نین عملکردیندن اینتیقاد ائده‌رک، بو سیتادین سیاسی اولماسینا ایشاره ائدیب و دئدی: ” واقعیت‌ده اورمیه گؤلونو دیریلتمه‌ک سیتادی، آذربایجانین اؤلومو اوچون چالیشیر و بیر عملیاتی سیتاد یوخ، بلکه بیر سیاسی سیتاددیر ، بس بو سیتادین مصوبه‌لری، باتی آذربایجانی، اؤزلیک‌له‌ده اکینچی‌لیک بؤلومونده فلج ائتمه‌ک اوچون‌دور.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *