خانه / آخرین اخبار / ۲۰۱۶ دونیانین ان ایستی ایلی

۲۰۱۶ دونیانین ان ایستی ایلی

تشکیلاتین راپورونا گؤره ، روسیانین قطبا یاخین بولگه سینده ایستی لیک اوزون مدت‌لی اورتا سویه‌دن 6-7 درجه آرتیق اولوب.

بیرلشمیش میللت‌لر (ب.م.ت) دونیا متورولوژی تشکیلاتی، ۲۰۱۶-جی ایلی گلمیش کئچمیش ان ایستی ایل اعلان ائتمه‌یه حاضیرلاشیر.

اوکتوبر آیی عرضینده آپاریلان اولچولر ۲۰۱۶-جی ایلین ایستی لیک رکوردلارینی قیردیگینی گؤستریر.

تشکیلاتین راپورونا گؤره ، روسیانین قطبا یاخین بولگه سینده ایستی لیک اوزون مدت‌لی اورتا سویه‌دن ۶-۷ درجه آرتیق اولوب.

ایستی‌خانا گازینین اتمسفرده کی میقداریندا هئچ بیر آزالمانین اولماماسی توفان‌لار، قوراق‌لیق و ایستی دالغا‌لار کیمی طبیعت حادثه‌لرینی آرتیریر.

بو ایل باش وئرن ال نینو قاسیرغاسی‌نین دا هوانین ایستی اولماسیندا پایی وار.

دونیا بانکی‌نین معلومات‌لارینا گؤره ایسه، باش وئرن طبیعی فلاکت‌لردن سونرا ۲۶ میلیون اینسان یوخسوللوق سویه‌سینه ائنیب.

۱۹ میلیون اینسان باش وئرن طبیعی فلاکت‌لر سببین‌دن ائولرینی ترک ائدیب.

 

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *