خانه / آخرین اخبار / ائرمنیستان اوردوسوندا غئیری-دؤیوش شرایطینده ۲۰۰۰ نفر اؤلوب

ائرمنیستان اوردوسوندا غئیری-دؤیوش شرایطینده ۲۰۰۰ نفر اؤلوب

ائرمنیستان پارلمانیندا، هلاک اولان و علیل اولان حربی قوللوقچولارا بیمه اؤده‌نیش‌لری حیاتا کئچیرمک اوچون هر آی 1000 درام مجبوری وئرگی اؤده‌نیش‌لری‌نین اولماسی باره‌ده قانون لاییحه‌سی‌نین موذاکیره‌لری داوام ائدیب.

یول‌پرسین آلدیغی بیلگی‌لره گؤره، “ارث” حزبیندن اولان نیماینده Zaruhi Postancyanچیخیشی زامانی اؤلکه‌نین مودافیعه باخانی “ویقئن سارکیسیانی” تنقید ائدیب: سرکیسیانین حیات یولداشی قیسا واختدا میلیونچویا چئوریلیب. ایندی بو میلیونچو قادین دا، اها‌لی‌نین کاسیب اولان اساس حیسه‌سی ده عینی قایدادا ۱۰۰۰ درام اؤده‌مه‌لی‌دیر؟ سیز بونا میللی وئرگی دئمک ایستییرسینیز؟ خئیر، بو میللی وئرگی ده‌ییل، بو دیلنچی‌لیک‌دیر”.

z.Postancyanوورغولاییب کی، بو ساحه‌ده توپلانیلا‌جاق یاردیم گله‌جک‌ده باش وئره بیله‌جک حادثه‌لر زامانی اؤلن و علیل اولان حربچی‌لره شامیل ائدیله‌جک: “مدافعه باخانیی ویقئن سارکیسیان بو قانونون نیظام‌نامه قایدا‌لاری‌نین پوزولماسی زامانی هلاک اولان و یارا‌لانان‌لارا شامیل ائدیلمیه‌جه‌یینی بیلدیریب. حال‌ بوکی ۱۹۹۶-جی ایلدن ایندیه‌دک رسمی معلومات‌لارا گؤره غئیری-دؤیوش شرایطینده ۹۵۰، غئیری-رسمی معلومات‌لارا گؤره ۲۰۰۰-دک حربچی اؤلوب. بیز ایتکی‌لره معروض قالمیشیق، ایندی ده جومهور باشقانی سارکیسیان بیزه دیلنچی‌لیکله اسکورت اولونان قانون لاییحه‌سی تقدیم ائدیب”.

پوستانجیان بو لاییحه‌نین عاییب اولدوغونو و هامینی قانون لاییحه‌سی‌نین علیه‌ینه سس وئرمه‌یه چاغیریب: “مودت‌لی حربی خیدمت قوللوقچولاری‌نین ۴۰۰۰ درام آیلیق مواجیب آلماق حقوق‌لاری وار. آنجاق بو یاردیم، اونلارین هئچ بیرینه اؤده‌نیلمیر. اونلار ساده‌جه قول چکیر و بو پول‌لار حسابینا همین ژئنئرال‌لار، فرمانده‌لر وارلانیرلار. والیدئین‌لر هر آی اؤولادلارینا باغلاما‌لار گؤندریر. بونو ثبوت ائدن چوخ سایدا والیدئین مراجیعت‌لری وار”.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *