خانه / آخرین اخبار / “پارلمان‌دا ائتنیک‌لر فراکسیونونون قورولماسی‌ایله موخالیفم”
جومهور باشقانین ائتنیک‌لر و دین‌لر کؤمکچی‌سی:

“پارلمان‌دا ائتنیک‌لر فراکسیونونون قورولماسی‌ایله موخالیفم”

جومهور باشقانین ائتنیک‌لر و دین‌لر کؤمکچی‌سی، علی یونسی اهوازدا کی دانیشیق‌لاریندا، شورای اسلامی پارلمانیندا ائتنیک‌لر فراکسیونونون قورولماسینا قارشی اولدوغونو بیلدیردی.

یول‌پرسین آلدیغی بیلگی‌لره گؤره، جومعه گئجه‌سی، علی یونسی، اوستانداری ده، عرب‌لرین سیاسی و توپلومسال فعال‌لاری‌ایله گؤروشونده، او اوتوروم‌دا بیر سورغونون جاوابیندا دئدی: ” پارلماندا ائتنیک‌لر فراکسیونونون قورولماسی‌ایله موخالیفم”

ائتنیک احساس‌لاری، میللی احساساتا غالیب گلمه‌مه‌لی‌دیر

جومهور باشقانین اؤزل کؤمکچی‌سی بونو دیه‌رک کی ائتنیک مسئله‌لره گرک میللی باخیشدان توجه ائدیلیسین، دئدی: ” اگر کلان، میللی و ایران سئوه‌رلیک باخیشیندان خالقین موشکول‌لرینی حل ائتمک ایسترسه‌ک، داهادا یاخشی نتیجه آلاریق”

او دئدی: ” تاسوف‌له اؤلکه‌ده میللی حیزیبیمیز یوخدور و دؤولت‌لرین هئچ بیری‌سینده، مووفق اولمامیشیق میللی باخیش‌لار و ایستَک‌لرله، یایقین حیزب‌لر قوراق.”
او دانیشیق‌لاری‌نین دوامیندا دئدی: ” بو موشکول گرک رفع اولسون و میللت وکیل‌لری و خالق، میللی حیزب‌لرده حاضیر اولوب و اؤز موشکل‌لری‌نین دالیسینی توتسون‌لار.”

او وورغولادی: ” هئچ بیر وجه‌ایله، امنیت، گلیشمه و میللی منفعت‌لرین مصلحتینه ده‌ییل کی گلیب، کیچیک هویت‌لری بؤیودوب و ائتنیک حیسّ‌لرین میللی حیسّ‌لره غالیب ائده‌ک.”
یونسی دئدی: ” بو دوشمن‌لرین ایسته‌یی‌دیر کی بیراؤلکه‌یه فورصت ساییلان ائتنیک‌لری قارشیلاشدیرسین‌لار”

حسن روحانی‌نین ائتنیک‌لر و دین‌لر کؤمکچی‌سی دئدی: ” ایران ایسلام جومهوریتی دؤولتی، شیدت‌له، امنیتین و میللی بیرلیکین قورولماسینا تاکیدی وار، البته گرک ائتنیک‌لرین قانونلو، شرعی و حاق اولان ایسته‌ک‌لریندن مودافیعه ائدیلسین.”

یونسی سوندا دئدی: ” بعضی‌لری اولدن بونون دالیسیجایدیلار کی دؤولتین ائتنیک‌لره توجوه‌لرینی رئکلام و سئچیم دؤورونه عایید اولدوغو کیمی گؤسترسین‌لر و دؤولتی تخریب ائتسین‌لر.”

خاطیرلاداق کی بو سوروملو(مسئول) ائتنیک‌لر فراکسیونوایله موخالیفت‌دن اؤنجه، حسن روحانی‌نین سئچیم دؤورونده، وعده وئردیگی تورک دیلی و ادبیاتی فرهنگیستانی‌نین قورولماسینی، کؤکوندن یانلیش بیلمیشدی.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *