خانه / آخرین اخبار / ۲۴ آذر حبیب ساهرین اؤلوم گونو

۲۴ آذر حبیب ساهرین اؤلوم گونو

تورک و فارس ادبیاتیندا آچیق- سربست شعر، ایلک اؤنجه اونون اثرلرییله شعر دونیامیزا یول آچدی. نیمادان اؤنجه فارسجادا سربست شعر یازدی و تورک ادبیات ساحه‌سینده اؤزونه یئنی یول آییردی.

یول‌پرس-سحر بارانی: آدی اؤیرتمنلیک‌له آنیلان شاعر-یازار «حبیب ساهر» دوغرودان دا کلمه‌لری سئحیرله‌ییب، شعرده و حیکایه‌ده دینله‌ندیرمه‌یی باشاریردی.

تالانچی لار :

تالانچی‌لار، اوستاد حبیب ساهرین حیکایه، خاطیره و یادداشتلارینین توپلوسودور.

آدینی یازیلارین بیریندن آلان بو کیتاب، حبیب ساهرین ادبیاتیمیزدا آیاق ایزی و آذربایجان حیکایه دونیاسینا تایسیز بیر پای کیمی‌دیر. تالانچی‌لار حبیب ساهرین اؤز ال یازماسی‌ایلا خاطیره‌لر، حیکایه‌لر و  شخصی یادداشتلاری‌دیر.

گوجلو دیل و آنلاتییلا اوخوجودا درین ائتکی بوراخان تالانچی‌لارین ال یازمالاری سایین فردی توسطی ایله اوخونوب، دوکتور حسن جعفرزاده جنابلارینین چالیشیغییلا تدوین و ایضاحلانمیش و هابئله شاعر-ناشر و ژورنالیست سعید بی موغانلی واسیطه‌سی ایله یایینا حاضیرلانیب ایلک دؤنه نخبگان یایین ائوی آراجیلیغییلا تهران‌دا ۱۳۹۴ ایلینده یایینلانمیشدیر.

آرزی ایله قنبر:

ائل ناغیل‌لاریمیز دیلدن دیله گزن و اوره‌ک‌لره اوسطوره‌له‌شن، خالق اینانج‌لاری و عنعنه‌لری‌دیر.

ایکی سئوگیلی، ایکی گؤنول قاپدیرمیش گنج، ایکی طالحسیز سئوگی قوشو.

اسکی زامانلاردا کورسو باشینین اولمازسا اولمازی، بؤیوک آنا و بؤیوک آتالارین ناغیل‌لاری، حیکایه‌لر و اؤیکولری ایدی. چوخ زامان وصال شیرینلیگی ایله سونلانیردی ناغیل‌لار و بعضاً ده آیریلیق آجیسی ایلا دلی قانلی اوغوللاری و دویغوسال قیزلاری  کدرلندیریردی.

آرزو و قمبر، آتا-بابالاردان میراث قالان شیفاهی ادبیات و  کولتوروموردور. اسکی زامانلارین یاشام سایاغی، دوستلوقلار، کینه کدرلر، عایله بیرلییی، بؤیوک چ‌لره حؤرمت… و س، بو ناغیلدا آپ-آیدین گؤز اؤنونه آلینیر. آرزو – قمبر روایت‌لره گؤره عمی اوغلو-عمی قیزی‌دیرلار، داها اوشاق یاشلاریندا بیر-بیرلرینه وورولورلار و بو سئوگی گؤزل دویغو دولو آنلار یاشادیر هم ایکی سئوگیلی‌یه و هم اوخوجویا و دینله‌ییجی‌یه. اما سونو ووصال اولورمو؟؟

آرزو -قمبر ناغیلی ایکی شیدا بولبولون باشلاریندان کئچن اولای‌لاردیر.

بو ناغیل اورتادوغو داستانلارینین دیلدن دیله کئچیب و ائولرده روایت اولان أن یاییغین ناغیلی‌دیر.

آرزو قمبر ناغیلی بیر نئچه روایت‌له او جمله چ‌دن، کرکوک، آنادولو، طوزخورماتو، هئشتری و کیلیس روایت‌لری و سونوندا اوستاد میر حبیب ساهر روایتی ایله، دکتر حسن م.جعفرزاده تدوین و تصحیح ائدیب، سعید موغانلی‌نین چالیشمالاری ایلا چاپا حاضیرلانیب و آیخان تبریزلی گرافیستلیگی ‌ایله ۱۳۹۴ده، تهراندا نخبگان یایین‌ائوی طرفیندن یایینلانمیشدیر.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *