خانه / آخرین اخبار / یونسکو و ۲۰۱۶-جی ایلین‌ده آنما تؤرنلری

یونسکو و ۲۰۱۶-جی ایلین‌ده آنما تؤرنلری

بیرلشمیش میللتلرین ائییتیمسل، کولتورسل و بیلیمسل اؤرگوتو "یونسکو" اؤنجه‌کی ایللرده اولدوغو کیمی بیرئی‌لر، حادیثه‌لر و تاریخی اولای‌لار آنماسی و آغیرلاماسی اوچون تؤرنلر، آغیرلامالار و آنمالار لیسته سی‌نی آچیقلادی.

یول پرس یونسکو سیته‌سیندن آلدیغی بیلگی‌لره گؤره، بو اؤرگوتون هر ایل میللتلرین کولتورونون یاییلماسی دوغرولتوسوندا و دونیا میللت‌لرینین گله‌نک، تؤرن، تاریخ و کولتورونون بیر-بیرینه تانیتماسی اوچون توتدوغو تؤرن‌لر کیمی، بو ایل‌ده اوزون بیر لیسته ۲۰۱۶-جی ایلده توتولاجاق تؤرن‌لردن سونموشدور۰

بو لیسته‌ده دونیانین آیری-آیری اؤلکه‌لریله یاناشی ایران، آذربایجان جومهوریتی و تورکیه‌دن‌ده بیر نئچه مورد گؤزه چارپیر.

آلمانلارین ۲۰۰ ایللیک آذربایجان و قوزئی قافقازا کؤچلری‌نین آغیرلانماسی، ایراندا محمد ذکریای رازی’نین دوغومونون ۱۱۵۰-جی ایل دؤنومو آغیرلانماسی، ایران، عراق و لبناندا سید مرتضی علم‌الهدی’نین دوغومونون ۱۰۵۰-جی ایل دؤنومو آغیرلانماسی بو تؤرنلرین اؤرنکلریندن‌دیر.

آیریجا قازاغیستاندا دا علی خان بوکئیخان’ین دوغومونون ۱۵۰-جی ایل دؤنومو،  قازاق بیلیم آدامی  هم‌ده بو اؤلکه‌نین اسکی باشکندی آلماتی’نین قورولوشونون ۱۰۰۰-جی ایل دؤنومو تؤرنی گئرچکلشه‌جکدیر.

بو باغلامدا تورکیه‌ده ده بؤیوک تورک تاریخچیسی و یازاری “محمد فؤاد کؤپرولو”نون وفاتینین ۵۰-جی ایل دؤنومونو و آیریجا دونیاجا اونلو تورک شاعیرلریندن اولان خواجه احمد یسوی’نین اؤلومونون ۸۵۰-جی ایل دؤنومونو قازاغیستان، قیرقیزیستان و آذربایجان ایله ایش‌بیرلیگی ایچینده بیر آنما تؤرنی یاپیلاجاقدیر.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *