خانه / آخرین اخبار / «تبریز۲۰۱۸» شهریمیزی توریستی شهره چئورمک اوچون، بیر باشلانقیج دیر

«تبریز۲۰۱۸» شهریمیزی توریستی شهره چئورمک اوچون، بیر باشلانقیج دیر

تبریز شهرینین اسلامی شورا رئیسی، «تبریز2018» مسئله سینی بو شهرده توریسمین انکشاف تاپماسی اوچون بیر فرصت و باشلانقیج بیلدی.

شکور اکبرنژاد دئدی: تبریز ۲۰۱۸ بیزیم شهرده ایشسیزلیکی آرادان قالدیرماق اوچون دیرلی بیر فرصت دیر، نیه کی بوتون دونیادا توریسمین انکشافی ایله برابر چوخلو ایش فرصت لری یارانیر.

اکبرنژاد آرتیردی: ترکیه توریسمه لایقینجه توجه ائتمکله او اولکه ده ایشسیزلیک سویه سینی آزالداراق، توریسمین گوجلندیریلمه سی نتیجه سینده اقتصادیاتین باشقا قوللارینی دا گوجلندیردی.

تبریز شهرینین اسلامی شورا رئیسی دئدی: شرقی آذربایجانین بوتون شهر و ولایت مسئوللاری تبریز ۲۰۱۸ مسئله سینی ایش یاراتماق و توریسم صنعتینین گلیشمه سی اوچون بیر فرصته چئویرمک اوچون ال اله وئرمه لیدیرلر.

او تبریز شهرینین چئشیدلی احتیاجلارینا دئیینه رک آرتیردی: تبریزده چوخ ساحه لرده ایشله مه یه احتیاج اولسادا، مدنی ساحه لرده چالیشما هر زاماندان داها دا چوخدور. ایندی تبریز ده دونیانین باشقا دیللر و کولتور لری ایله تانیشماق قاچینیلماز دیر.

شکور اکبر نژاد دئدی: تبریز ۲۰۱۸ ده یاخشی ائو صاحیبی اولماق ایسته ییرسک، باشقا ملت لرین مدنیت، عنعنه، رسم و دب لری ایله تانیش اولمالییق. چون کی بیر سیرا داورانیش لار بیز عادی و طبیعی داورانیش لار اولا بیلر، آما عینی حالدا بو چئشید داورانیش لار باشقا ملت لر آراسیندا بی عیب و خوشا گلمز بیر داورانیش اولابیلر./قایناق: شهریار نیوز

یک دیدگاه

  1. علی آذربایجانی

    یاشاسین




    0



    0

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *