خانه / آخرین اخبار / چئشیتلی یوللارا ال آتاریق‌سا، دئییشمک اولوملودور
نوامبرین ۲۵-ی؛ بین‌الخالق قادینلارا قارشی زوراکیلیق‌لا موباریزه گونو ایله یاراشیقلی

چئشیتلی یوللارا ال آتاریق‌سا، دئییشمک اولوملودور

۱۹۸۱ینجی ایلین‌دن باشلاناراق، هرایل نوامبرین ۲۵ینجی گونو، میرابال باجی‌لاری‌نین دهشتلی قتل گونو، قادینلارا قارشی زوراکیلیق‌ واریانس‌لارین آرادان قالدیرماق گونو آدلانیب. ائله‌جه ۱۹۹۹ایلین اوکتیابرین‌دان بری، بوگون بیرلشمیش میللت‌لر تشکیلاتی‌نین عیمومی توپلومو طرفین‌دن رسمیته تانیلاراق فورمالاشیب، بو گونکو گونده بوتون دونیا ووجدان‌لارین قادینلارا قارشی شیددتین آرادان قالدیرماسی باره‌ده چاغیریش وئریلیر.

آتیلا حاجی‌زاده- یول‌پرس: شیددت، حقیقی آنلامیندا فیزیک‌سل گوج واسیطه‌سی‌ایله اوز وئرن زوراکیلیق‌لارا آنلام وئرن بیر واریانس اولورسادا اؤزلویونده گئنیش آنلام آلانینا مالیک‌دیر. شیددت دونیا بویوندا بیر نظارت آلتی کیمی الده اولدوغونو گؤزدع آلاراق، ایکی اینسان آراسیندا لفظی چکیش برکیش دن موحاریبه آیریجا سؤی قیریما قدر یوکسله‌بیله‌جک وضعیتی وار.

آتیلا حاجی زاده

شیددت قونوسونوندا یوخاری سویه‌یه صاحاب‌اولان جنسیت قونوسو سون ۳۰ایل‌ده دونیانین اساس نیگارانچیلیق ‌لارینین بیرینه چئویریلیب. دونیا موطالیعاتی عنعنه‌وی شکیل‌ده تئوریک و تجربی وضعیت‌لرده قادین‌لارین  یوخ ساییلدیغی‌نی ایضاخ ائدیر. ۱۹۷۰ینجی ایللرده فمنیسم‌ین جرم‌شیناسلیق حاقدا آراشدیرملاری، قادین‌لارین قضایی مرجعیت‌لرده اوزلشدیکده جینسی یاخیش‌لارا معروض قالدیغینی بیلدیریب آیریجا قادین‌ ‌لارین ائو یاخود عائله‌ایچرسینده شیددت واریانس‌لارینا معروض قالدیق‌لارینی سوسیال توپلومون منزوی‌لشمه‌سی باره‌ده اساس ندن اولدوغون اعلان ائدیب‌لر.

۱۹۸۱ینجی ایلین‌دن باشلاناراق، هرایل نوامبرین ۲۵ینجی گونو، میرابال باجی‌لاری‌نین دهشتلی قتل گونو، قادینلارا قارشی زوراکیلیق‌ واریانس‌لارین آرادان قالدیرماق گونو آدلانیب. ائله‌جه ۱۹۹۹ایلین اوکتیابرین‌دان بری، بوگون بیرلشمیش میللت‌لر تشکیلاتی‌نین عیمومی توپلومو طرفین‌دن رسمیته تانیلاراق فورمالاشیب، بو گونکو گونده بوتون دونیا ووجدان‌لارین قادینلارا قارشی شیددتین آرادان قالدیرماسی باره‌ده چاغیریش وئریلیر.

قادین‌لارا قارشی شیددت، زوراکی‌لیغین باشقا قونولاری‌تک‌ تکجه فیزیک‌سل شیددت‌لر ایچره چیزگی‌لنمیر بلکه بو واریانس‌ شیددت ایله بیرگه ایقتیصادی، پیسکولوژیک آیریجا جینسی زوراکیلیق‌لارلا برابرجه‌سینه قادین‌لارا قارشی شیددتین دؤردلویونو یارادیرلار.

پیسکولوژیک شیددت قادین‌لارین داها آرتیق البته سوسقون وضعیت‌ده معروض قالدیغی زوراکیلیق‌لاردان بیری‌ ساییلیر. آردیجیل سؤیوش‌لر، چیغیرباغیر، آردیجیل ماهناچیلیق‌لار، اؤلدورمه یا اذیت‌له حده-حربه‌لمه‌لر، کیچیک سایمالار ائله‌جه سوسیال ایلگی‌لر ایچرسینده ممنوعیت یاراتماق‌لار، قادین‌لاری اؤز محو ائدیم، هئچ‌لیک ایله انزوا وضعیتینه سالیب، ایچری‌دن ییخیلماسینا یول تیکیر.

ایقتیصادی یاخود اکونومیک شیددت قادینلارا قارشی اوز وئرن باشقا راییج زوراکیلیق‌لاردان بیری‌سی‌دیر. خرجلیک وئرمه‌مک، قادین‌‌لارین مالی قوللانیمی‌لاری آیریجا قادین سئور اشیالارا زیان یئتیرمک بو واریانس شیددت‌ین تشکیل ائدیجی واریانس‌لارین‌دان ساییلیر.

قادین‌لارین راضی اولمایاراق قوللانیش‌لاری، حامیله‌لیک کونتورولو باره‌ده قولانیلان ماده‌لره ممنوعیت ائله‌جه قادین‌لارین جینسی دیلک‌لرین جاوابسیز قویماق، قادینلارا قارشی راییج شیددت قونولارین‌دان ساییلیر.

بیلگین‌لرین آراشدیرماسی، شیددته معروض قالان قادین‌لار، باشقا قادین‌لارلا موقاییسه‌ده پئش قات آرتیق، اؤز قیییم، روح‌سل خسته‌لیک‌لر آیریجا ۶قات آرتیق پیسکولوژیک خسته‌لیک‌لره آماج اولورلار. آنجاق همن بیلگین‌لرین آراشدیرماسی، قادینلارا قارشی شیددتین گون به‌گون آرتماسین‌دان خبر وئریرلر.

قادین‌لارا قارشی شیددت گنل وضعیت‌ده سوسیال تؤپلومون منزوی‌لشمه‌سینی گرچک‌لشدیریر، آنالار هر توپولوم دا ایستر دوشونجه باخیم‌دان ایستر طبیعی باخیم‌دان اوشاقلارا(اوخویون گله‌جک نسیل) دوغوجو رولونو ایفا ائدره‌ک، شیددته معروض قالدیقجا منزوی‌لشمک‌لری، دپرسیونا اوغرامیش بیر نسیل دوغوروب، بو سنت‌لرین توپلوم‌دا یئر آچماسی‌یلا بو وضعیت آردیجیل شکلینده داوام ائدیلیر.

پیسکولوق‌ بیلگین‌لر عایله‌ده فیزیکی و غیر فیزیکی شددت‌لری گؤرن کیشی‌لر گله‌جک داها آرتیق شیددتچیلیه ساری یؤنلنمه‌لرینی خبر وئریر. نیه‌کی گنجلیک ایله اوشاقلیق بویوندا شاعید اولدوقلاری شیددت واریاسنلاری واسیطه‌سی ایله حوصله‌سیز، قرارسیز، شاکی آیریجا کارا گلمز روحیه‌لی بیری‌سی‌لرینه بدل اولوب‌‌لار.

عام دوشونجه‌لرین عکسی، مدرن دونیا قادینلارا قارشی شیددت‌لردن آزاتلامارایاق بیلکه وضعیت‌لرینی آرتیراراق، واریانس‌لارینی‌دا آرتیرمیش. قادین‌لاردان جینسی ایستیسمار، فقیر آتالار طرفین‌دن گنج ایله یئنی گنج قیزلارین ساتیلماسی، آیریجا پورنو ویدئولارین رؤنقلی بازاری مدرن شیددت‌ین گنل واریانس‌لارین ساییلیر.

قادینلار مدرن شیددت سیراسیندا، حایات یولداشی‌لاری طرفین‌دن اکونومیک‌ باغیم‌سیزلیق‌دان محروم اولورلار یا خود ایش قادین‌لاری مالی ایستیسمارا معروض اولوب، کیشی‌لری طرفین‌دن خرجلیک چیمدیک‌لره آتیلیب، بوشانما، یئنی ائولیلیک ایله حده‌له‌نیب، یاخود قاین‌آتایلا قاین آنانین قوللوغوندا اولماق تک، اونو ایلگی‌لندیرمه‌ین قوتولارلا ایستیسمار اولورلار.

پیسکولوژی‌ده (کسبی چاره‌سیزلی‌یه) اونلو اولان قوتو، شیددته قارشی دینمه‌مزلیک داها پیس، قادینین اؤزونه( صبیلی قادین، دوزموملو، و…) کیمی لقب‌لر وئرمه‌سی‌دیر. قارشیلیق‌دا کیشی‌لره شیددت ایذنی وئرن شیددت قارشی‌سینداا دینمه‌مه‌زلیک الده ائدن قادین‌لارین دیر، اصلینده بو دینمه‌مه‌زلیک شیددت‌کارلارا داها آرتیق جرعت باغیشلاییر، دئملی بو سکپت شیددت‌کارا، (منله بیر کنیز کیمی داوران، منی وور، آیریجا تحقیر ائت) باغیرلانیر.

سونوندا شیددتله قارشی‌لاشان قادین زنجیرلی قفس‌ده محبوس اولان آسلان کیمی ساییلیر، زنجیرلری قیریب، قفسی سیندیرارسا نقدر گوجلو اولدوغونو آنلاین بیلیب، آیریجا بو گوجو دونیا هئچ نه‌ایله دئیشمه‌مک دورومونا چاتاجاق.

ژولیا کیریستوانین دئدی‌یی تک: چئشیتلی یوللارا ال آتاریق‌سا دئییشیلمه اولمودور، آنجاق اومودسوز اولماییب قاندال‌لارا بویون وئرمه‌لی‌ییک.

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *