خانه / آخرین اخبار / «تورکجه‌نین گوجو» آدلی کیتاب اورمیه‌ده یاییملاندی

«تورکجه‌نین گوجو» آدلی کیتاب اورمیه‌ده یاییملاندی

پروفئسور دوکتور دوغان آکسان بو کیتابدا دیلیمیزین یاپیسینی، تؤرتمه گوجونو و سؤزدیزیمینی، اسکی و چاغداش تورکجه‌نین قاوراملار دونیاسینی؛ یازی دیلی و آغیزلارداکی بنزتمه‌لری، آقتارمالاری، دئییملری، آتاسؤزلری، وب. دیل‌بیلیمسل و آنلام‌بیلیمسل بیر یؤنتمله اینجه‌له‌میش، بونو یاپارکن ده اؤرنکلر و تانیقلار ایشیغیندا تورکجه‌نین اینجه‌لیکلرینی، گؤزللییینی، وارسیل‌لیغینی و گوجونو گؤزلر اؤنونه سره‌رک مایتالمان (موحتشم) بیر اثر یاراتمیشدیر.

تورکجه‌نین وارسیل‌لیقلاری (زنگینلیکلری) البتته، یالنیزجا بو کیتابدا وئریلن اؤرنکلرله اورتایا قویولابیله‌جک دنلی سینیرلی دئییلدیر. تاریخین درینلیکلریندن بو یانا، دَییشیک دؤنملرده، آسیا و آوروپانین بیرچوخ یؤره‌سینده یاییلیب لهجه و آغیزلارییلا توکنمز بیر خزینه اولوشدوران تورکجه‌نین گوجو، گئنیش قاپساملی آراشدیرمالارلا، درله‌مه‌لر و بو درله‌مه‌لردن الده ائدیله‌جک گره‌جلرین باشقا دیللرین سؤز وارلیغینین قارشیلاشدیریلماسییلا یئترینجه سرگیلَنه‌بیلر. بورادا وئردیکلریمیز، تورکجه دنیزیندن بیرنئچه داملادیر آنجاق…

بو ایلک ده‌نه‌مه ایله، ایلگی و چالیشما آلانلاری دیلچیلیک اولمایان کیمسه‌لرین تورکجه‌نین گوجونو تانیمالارینا، دیلیمیزین وارسیل‌لیغینا اینانمالارینا یاردیمجی اولما آماجلانمیشدیر. بو کیتابا آلینمایان داها مینلرجه اؤرنه‌یی، آیریجا، تورک دیلینین سؤزدیزیمی اؤزللیکلری ندنی ایله قازاندیغی گوجلو آنلاتیم یوللاری باشقا کیتابلارین قونوسو اولابیلر.

تورکجه دئدیییمیزده، گئچمیشی اسکیلره اوزانان، یئددینجی-سککیزینجی یوزایللره ایلیشکین بلگه‌لرینده بیله گلیشمیش، صنعتلی بیر دیل گؤرونومو سونان، آسیانین ان قوزئییندن، سیبیریانین بوز دنیزی قیییلاریندان آوروپا ایچلرینه دگین اوزانان، بوگون بیله آسیا و آوروپا’دا آشاغی یوخاری ۲۵۰ میلیون کیشی‌نین قونوشدوغو چئشیتلی لهجه‌لرییله اسکی، یایغین، گوجلو بیر دیلله قارشیلاشیریق.

تورکجه‌نین آنلاتیم گوجونو آراشدیرماق، اونون زنگینلیکلرینی اورتایا قویابیلمک اوچون ایزله‌نه‌جک ان اییی و دوغرو یؤنتم، بیزجه، اونون قایناغینا ائنه‌رک اؤنجه ان اسکی یازیلی اورونلرینی اینجه‌له‌مک، سونرا، بوگونه گلینجه‌یه قدر سؤز، آنلاتیم آچیسیندان گؤستردییی گلیشمه‌لری، قازاندیقلارینی و ایتیردیکلرینی اینجه‌له‌مکدیر.

تورکجه‌نین سؤزوارلیغینی بیر سوزگچدن گئچیرمک، اونون انگین گوجونو اورتایا قویماق ایسته‌ین بو چالیشمادا، اؤنجه، تورکجه‌نین سس اؤزللیکلری، سونرا یاپیسی و تؤرتمه گوجو، داها سونرا دا سؤزوارلیغی‌نین آنلام یاپیسی و اؤزللیکلری گؤزدن گئچیریلمیشدیر.

اکله‌مه‌لی (التصاقی) دیللر عایله‌سینه منسوب اولان تورکجه، ائش‌سیز سس اؤزللیکلرینه و کندینه اؤزگو ماتئماتیکسل و موزیکال بیر یاپییا یییه‌دیر. گئنیش جوغرافیالارا یاییلمیش تورکلر، بعضن گؤچبه یاشام بیچیمینی منیمسه‌میش، بعضن ده یئرلشیک حیاتا گئچمیشدیر، کیمی زامان سیخینتیلارلا قارشی قارشییا قالاراق یوردونو ترک ائدیب کؤچمک زوروندا قالمیش، کیمی زامانسا ایمپراتورلوقلار قوراراق دونیانی یؤنتمیشدیر.

تاریخین درینلیکلریندن ماجئرا دولو، ائنیشلی یوخوشلو یوللاردان، ساواشلی باریشلی دؤنملردن گئچه‌رک بیزه گلیب چاتان سو گیبی دورو، دوغا گیبی یاسالی بو گوجلو و گؤزل تورکجه‌میز، آتالاریمیزین بیزه میراث بوراخدیغی ان دَیرلی خزینه‌دیر.

الینیزده‌کی کیتابی اوخورکن آغزینیزدا شیرین بیر داد دویومسادیغینیز حالدا، ان دَیرلی وارلیغیمیز اولان گؤزلیم تورکجه‌نین دادینا وارابیلمیش، تاتلی‌لیغینی دویابیلمیشسینیز دئمک.

پروفئسور دوکتور دوغان آکسان بو کیتابدا دیلیمیزین یاپیسینی، تؤرتمه گوجونو و سؤزدیزیمینی، اسکی و چاغداش تورکجه‌نین قاوراملار دونیاسینی؛ یازی دیلی و آغیزلارداکی بنزتمه‌لری، آقتارمالاری، دئییملری، آتاسؤزلری، وب. دیل‌بیلیمسل و آنلام‌بیلیمسل بیر یؤنتمله اینجه‌له‌میش، بونو یاپارکن ده اؤرنکلر و تانیقلار ایشیغیندا تورکجه‌نین اینجه‌لیکلرینی، گؤزللییینی، وارسیل‌لیغینی و گوجونو گؤزلر اؤنونه سره‌رک مایتالمان (موحتشم) بیر اثر یاراتمیشدیر.

ایشته دیلیمیز اوزرینده بیلیمسل چالیشمالار یاپماق ایسته‌ین آراشدیرماجیلار اوچون بیر قیلاووز نیته‌لییی داشییان بو ائییتیجی و اؤیره‌تیجی کیتابین چئویریسینی سیز ده‌یرلی اوخوجولارا، ایچدنلیکله قیوانچ و موتلولوق دویقولاری ایچینده سونوروق.

یازار: پروفئسور دوکتور دوغان آکسان
چئویرن: فخران پورنجفی بالوو
یایین ائوی: یاس بخشایش؛ اورمیه ۱۳۹۶
۲۴۱ صفحه
قیمت: ۱۵۰۰۰ تومن
داغیتیم: اورمیه، خ امام، فضولی کیتاب ائوی، ۰۴۴۳۲۲۴۳۷۶۹

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *